Sa pagdiriwang ng ika-128 anibersaryo ng Kalayaan ng ating Inang Bayan, ang Pambansang Konseho ng Katutubong Mamamayan ng Pilipinas (PKKMP, Inc.) sa pangunguna ni Dato Binalan Hanas (Chaplain Frederick Bincal Berry), Pangulo, ay nakikiisa sa sambayanang Pilipino sa paggunita sa kabayanihan, sakripisyo, at pagmamahal sa bayan ng ating mga ninuno.

Hindi lamang ito pagdiriwang ng kalayaan mula sa pananakop, kundi pagpapatibay rin ng ating pagkakakilanlan bilang isang bansa na may mayamang kasaysayan, kultura, at mga katutubong pamayanang nag-ingat at nagtaguyod ng kalayaan, dangal, at karapatan ng mamamayan mula pa noong sinaunang panahon.

Ang mga Katutubong Pamayanan (ICCs/IPs) ay patuloy na nagtataguyod ng:

Paggalang sa Saligang Batas ng 1987;

Pagkilala sa Native Title at Ancestral Domains;

Pagpapanatili ng mga Katutubong Wika at Kultura;

Pagsasabuhay ng mga Tradisyunal na Batas at Katarungan;

Pagkakaisa tungo sa makatarungan at maunlad na Pilipinas.

“Ang tunay na kalayaan ay may kasamang pananagutan, pagkakaisa, at paggalang sa karapatan ng bawat mamamayan at katutubong pamayanan.”

“Para sa Diyos, Bayan, Kalikasan, at Katutubong Pamana.”