PKKMP Maglulunsad ng Humanitarian Intervention para sa mga Pamayanang Katutubo sa Buong Pilipinas

Maynila, Philippines — November 02, 2025.

Sa pangunguna ni Dato Binalan Hanas, Pangulo ng Pambansang Konseho ng Katutubong Mamamayan ng Pilipinas (PKKMP) at Supreme Tribal Judge Minister ng Perlas ng Silangan Customary Self-Governance System, inilunsad ang pambansang programang Humanitarian Intervention Mission bilang tugon sa mga nagaganap na demolisyon, kagutuman, sakuna, at karahasan na kinahaharap ng mga Indigenous Cultural Communities at Indigenous Peoples (ICCs/IPs) sa iba’t ibang panig ng bansa.

LAYUNIN NG HUMANITARIAN INTERVENTION

Ayon kay Dato Binalan Hanas, ang layunin ng programa ay “agarang pag-abot ng tulong at proteksyon sa bawat Katutubong Pamayanan na nasa panganib o krisis, habang pinangangalagaan ang kanilang karapatang pantao, kultura, at Yutang Kabilin.”

Ang PKKMP Humanitarian Intervention ay isinasaayos sa ilalim ng mga sumusunod na legal at moral na batayan:

Republic Act No. 8371 (IPRA Law) — nagbibigay ng karapatan sa mga ICCs/IPs na magpatupad ng sariling sistema ng pamamahala at proteksyon;

UN Declaration on the Rights of Indigenous Peoples (UNDRIP) — naggagarantiya ng karapatan sa humanitarian aid at proteksyon laban sa sapilitang pagpapalayas;

Executive Order No. 01, s.2024 — kinikilala ang Perlas ng Silangan Customary Self-Governance System bilang lehitimong balangkas ng pamamahala ng mga Katutubo.

PAMBANSANG SISTEMA NG TULONG

Sa ilalim ng patnubay ng PKKMP, binuo ang Customary Humanitarian and Legal Aid Mission Unit na binubuo ng:

PKKMP National Secretariat

Regional at Provincial Directors

Tribal Court Representatives

Chaplaincy Command and Social Ministry

PKKMP Media Press Corps

Ang yunit na ito ang mangunguna sa Humanitarian Missions — maghahatid ng pagkain, medisina, psychosocial support, legal assistance, at documentation sa mga lugar na naapektuhan ng mga iligal na demolisyon, sakuna, o karahasan laban sa mga Katutubo.

PROSESO NG PAGHINGI NG TULONG

Upang makapaghain ng pormal na kahilingan, ang bawat tribu o lider ay maaaring magsumite ng Request for Humanitarian Intervention Form (Form No. 002) sa PKKMP Secretariat sa pamamagitan ng:

psilangan46@gmail.com

fberry8888@gmail.com

Dapat kalakip nito ang:

FPIC Resolution ng Tribu

Barangay o Tribal Certification

Larawan at listahan ng mga apektadong pamilya

Pagkatapos ng beripikasyon, maglalabas ang PKKMP ng Humanitarian Mission Authority (HMA) na magbibigay pahintulot sa mga yunit ng PKKMP na magsagawa ng misyon sa lugar.

PROTEKSIYON AT KAPANGYARIHAN NG PKKMP

Ang bawat Humanitarian Mission ay saklaw ng Customary Protection Clause ng PKKMP Charter.

Sinumang humaharang o nananakot sa mga opisyal ng PKKMP habang isinasagawa ang misyong ito ay lumalabag sa Section 72 ng IPRA Law (Penalties) at maaaring masampahan ng kaso sa ilalim ng Customary Court ng Perlas ng Silangan.

MENSAHE NG PAMUNUAN

> “Ang PKKMP ay hindi lamang tagapagtaguyod ng batas, kundi tagapangalaga ng buhay at dangal ng bawat Katutubo. Sa panahon ng krisis, kami ang unang darating — dala ang tapang, pananampalataya, at pag-ibig para sa lahing Pilipinong Katutubo.”

— Dato Binalan Hanas

Pangulo, PKKMP / Supreme Tribal Judge Minister, Perlas ng Silangan

PAHAYAG NG PANANAGUTAN

Ang PKKMP Humanitarian Intervention Program ay ipinatutupad sa ilalim ng prinsipyo ng “Customary Self-Governance Since Time Immemorial,” na kumikilala sa dignidad ng bawat Katutubo bilang tagapangalaga ng kalikasan, lupaing ninuno, at kultura ng bansa.

Lahat ng tulong at operasyon ay isinasagawa sa pakikipag-ugnayan sa NCIP, DSWD, LGUs, at iba pang humanitarian partners, upang matiyak ang koordinadong pagtugon at pagkakaisa ng pamahalaan at pamayanang katutubo.

CONTACT INFORMATION